Nagsungka ang isa ka police lieutenant colonel kag nag-ako sa brutal nga pagpatay sa isa ka police executive master sergeant sa sulod mismo sang Camp Bagong Diwa nga amo ang headquarters sang National Capital Region Police Office (NCRPO).
Ginhingadlan sa reports ang suspek nga si Lieutenant Colonel Roderick Pascua samtang ang biktima naman amo si Police Executive Master Sergeant Emmanuel De Asis nga assigned bilang non-commissioned officer sa Puerto Princesa Police Provincial Office (PPO) sa Palawan.
Base sa spot report, nagpanugid ang lieutenant nga ginluthang sini ang sergeant matapos naaktuhan ang “intimate” nga relasyon sa asawa sang lieutenant samtang yara sa ila nga apartment sa Married Non-Officers’ Quarter sa Camp Bagong Diwa sang nagligad nga Nobyembre 28 sang gab-i.
Ginklaro man sa report nga pulis man ang asawa sang suspek nga may ranggo nga police executive master sergeant.
Suno pa sa lieutenant, yara pa mismo ang iya asawa sang gintiro sini ang biktima sa living room sang quarter.
Base pa sa panugiron sang suspek, ginsugo sini ang iya asawa nga magkuha sang hacksaw ukon lagari nga ginagamit sa salsalon. Amo ini ang iya gingamit sa pag-utod-utod sa lawas sang biktima, ginsulod sa sako, kag ginlubong sa duta sa ila nga ancestral house sa Baguio City.
Nag-request ang mga imbestigador sa suspek kag sa iya abogado nga updan sila sa compound sa ancestral house agud nga kutkuton ang mga parte sang lawas sang sergeant sang Miyerkules, Disyembre 4.
Didto kag na-recover sang otoridad ang duha ka mga kaso nga nagaunod matuod sang mga parte sang lawas sang tawo, duha ka puti nga shirts, kag isa ka tapalan ukon wooden chopping board.
Sunod nga gin-turn over ang utod-utod nga parte sang lawas sa funeral service sa Baguio.
Sa pihak nga bahin, may statement ang pamilya sang biktima kun sa diin ginsaad nga planado ang krimen halin pa sang Marso 2024.
Gin-alegar pa sa statement nga ginplano gid nga i-execute ang krimen kun magkadto ang sergeant sa Manila. Ginlaragway pa nga duha ka mga “demonyo” kag ila mga kahimbon ang naghimo sang amo nga krimen.
Pahayag sang anak sang sergeant, isa ini ka ‘setup’ nga nag-resulta sa abduction kag wala-kaluoy nga torture nga nag-resulta pa gid sa kamatayon sang biktima.
“It was planned and prepared [from] March 2024 up to present to kill my father once he [visited] Manila, perpetrated by these two demonic individuals and their cohorts,” kabahin sang statement sang bata.
Gintugyan na ang imbestigasyon sang kaso sa sa Southern Police District (SPD) kag sa Taguig City Police Station.
