ILOILO CITY–Nagapati ang pamilya nga intelligence operative ukon mga pulis man mismo ang nagpatay sa Barangay Tanod sang Calubihan, Jaro, Iloilo City.
Sa interview sang Bombo Radyo kay Elsie Gonzaga, live-in partner sang biktima nga si Niel Resma, iya ginpahayag nga bag-o pa man natabo ang krimen, may nasugata ang iya live-in partner nga isa ka lalaki nga nakasuksuk sang jacket.
Ginbugno pa suno kay Gonzaga sang iya live-in partner ang amo nga lalaki.
Nakapadala pa sa iya sang mensahe si Resma nga nagapamangkot kun bala may lalaki nga nagapanilag malapit sa ila balay.
Ginpahayag ni Gonzaga nga naga-apilyedo sang Matulac ang lalaki nga nasumalang sang iya live-in partner sang damlag lang.
Kuntani suno sa iya, gindakop kag ginpreso sabaylo na lang sa baylo nga ginpatay ang iya live-in partner nga si Resma.