Patay ang isa ka pulis kag apat ka mga sibilyan sa Manhattan matapos mag-amok ang isa ka lalaki sa Midtown Manhattan gamit ang AR-style rifle kun sa diin dinosena nga sibilyan ang pilason sa insidente.
Natabo ang pagpangluthang sa isa ka building sa midtown Manhattan nga ginatiniran sang mga dalagko nga opisyal sa financial firms.
Suno sa report, may suksok nga bulletproof vest ang suspek kag nagbarikada ini sa sulod sang building nga makit-an sa 345 Park Avenue, antes dalayon nga “na-neutralize” sang mga otoridad.
Ang suspek amo si Shane Tamura,isa ka 27-anyos nga lalaki halin sa Las Vegas.
Nasapwan naman nga patay na ini kag ginpahayag nga gintiro sini ang iya kaugalingon.
