Nagmandu na si Police Regional Office 6 director Police Brigadier General Leo Francisco nga magtukod sang Special Investigation Task Group (SITG) agud maglagas sa mga kriminal nga responsable sa pagpatay sa tatlo ka mga negosyante sa Barangay Villa Panian, Estancia, Iloilo.
Si Iloilo Police Provincial Office (IPPO) director Police Colonel Adrian Acollador ang magaserbe nga commander sang task group sa idalom sang superbisyon ni Police Colonel Martin Defensor, Jr. nga amo subong ang Deputy Regional Director for Operations sang PRO-6.
Ang SITG ang ginahingadlan nga “PALIBOSFER” (ukon Parohinog-Libao-Bosque and Fernandes). Yari ang nagabug-os sa grupo nga magatutok sa amo nga kaso:
1. Police Major R A Guardaya, Provincial Director, Criminal Investigation and Detection Group- Iloilo provincial Field Unit as the Assistant Commander/ Head Investigation Team
2. Police Colonel Agustina L Ompoy- Regional Forensic Unit 6
3. Police Lieutenant Colonel Raymond T Celoso- Chief, Provincial, Investigation and Detective Management Unit
4. Police Lieutenant Colonel Troy Warren Cayanan- Regional Legal Service 6
5. Police Lieutenant Colonel Gervinson G Moyo – Chief, Provincial Intelligence Unit
6. Police Lieutenant Jhoey Ryan B Jacla – Regional Intelligence Unit
7. Police Lieutenant Joebert Amado- Acting. Chief of Police, Estancia, MPS
8. Police Staff Sergeant Jayson M Entargico- Evidence Custodial
9. Police Chief Master Sergeant Cyrus S Librando- Investigator
10. Police Master Sergeant Rodel Umahag – Investigator
11. Police Staff Sergeant Cosmeflor C Marco – Investigator
12. Police Staff Sergeant Pejie G Bunda – Investigator
13. Police Staff Sergeant John Derson V Sabio – Investigator
14. Police Staff Sergeant Dan Jerald P Allanic – Investigator
15. Police Staff Sergeant Ian Charles Nullada – Intel Operatives
16. Police Corporal Jay Alvarez – Intel Operatives
17. Police Corporal Roland B Gibaga – Intel Operatives; kag
18. Police Senior Master Sergeant Francisco Lindero-SITG Spokesperson
Maga-trabaho ang SITG kaupod ang Criminal Investigation and Detection Group (CIDG) Region 6 kag Regional Forensic Unit 6 kag hingyuon man ang bulig sang National Bureau of Investigation (NBI). Una naman nagpahayag ang NBI nga magapatigayon man ang talatapan sang parallel investigation.
Septyembre 14 sang kaagahon sang natabo ang krimen. Ang mga biktima amo sanday Chrysler Floyd Fernandez sang Jereos, La Paz, Iloilo City; John Paul “JP” Mark Bosque sang Lopez Jaena Sur, La Paz, Iloilo City; kag Mark Clarence Libao sang Tacas, Jaro, Iloilo City.
Ang lone survivor amo si Jevron Parohinog, ang business partner sang mga biktima nga subong ginakabig witness, person of interest, kag boluntaryo nga nagpabilin sa paghinakop sang Estancia Municipal Police Station.##
