ILOILO CITY – Nadakpan na ang pulis nga ginatudlo mastermind sa pagpatay sa empleyado sang banwa sang Sara, Iloilo sadtong Huwebes sang gab-i sa Barangay Poblacion, Concepcion, Iloilo.
Ginpahayag sa Bombo Radyo Iloilo ni National Bureau of Investigation (NBI) Region 6 director Atty. Max Salvador nga ila gin-aresto si PO1 Kevin Piosca sa puluy-an sini sa Barangay Bondulan, Sara, Iloilo.
Si PO1 Piosca nga assigned sa Sara Police Station ang karelasyon sang biktima nga si Mae Luzuriaga nga bata sang anay vice mayor sang Sara nga si Bonifacio Luzuriaga.
Suno kay Atty. Salvador, natumod nga mastermind ang nasambit nga pulis santu sa mga mensahe sa cellphone ni Luzuriaga.
Samtang, nag-surrender man ang triggerman ukon ang nagluthang sa biktima nga si Edmar Camangyan.
Si Camangyan ang anay preso sa Sara Police Station kag ginbayaran ni PO1 Piosca agud patyon ang biktima.
Nahibaluan nga nagakaon ang biktima sa isa ka refreshment sang may nagsulod nga lalaki nga nagasuksok sang mask kag shades kag ginluthang ang biktima sa likod.