Patay ang isa ka pulis samtang pilason naman ang tatlo ka iban pa kalakip na ang gin-aresto nga drug pusher matapos nakabunggo ang ginasakyan nga patrol car sang Pagsanjan Municipal Police Station sa Pagsanjan Stone Arch sa Laguna.
Ang napatay nga biktima amo si SSg. Aldwin Jamilla nga nag-angkon sang pila sa ulo kag iban nga parte sang lawas.
Pilason man ang driver sang patrol car nga si Patrolman Jann Erwin Velarde, Patrolman Rustom Pacilona, kag ang suspek nga si Ivan Nikko Delos Santos nga ginpangdala man sa isa ka ospital.
Natabo ang aksidente samtang pabalik sa Pagsanjan Police Station ang mga biktima apang may nagsal-ot nga isa ka motorsiklo.
Sang ila ginlikawan, nadulaan sang kontrol ang patrol car kag nabunggo sa Stone Arch.
Padayon ang imbestigasyon agud makilala ang rider nga amo ang kabangdanan sang disgrasya.
