ILOILO CITY – Pasakan na sang kaso subong nga adlaw ang pulis nga nagtiro-patay sa upod sini sa ilimnan sa Janiuay, Iloilo.
Sa interview sang Bombo Radyo Iloilo kay S/Insp. John Paul Gu-ay, hepe sang Janiuay PNP, ginpahayag sini nga naluthangan ni PO2 Abner Catien ang upod sa ilimnan nga si Anazario Esgueran.
Suno kay Guay, ginpakalma sang pulis ang biktima apang wala nagpamati kag padayon sa pagwaras.
Ginpahayag ni Guay nga self defense ang argumento sang pulis kun sa diin ginpahayag sini nga ginkagat siya sang biktima sang nagpukutay ang mga ini, ginhaboy sang botelya kag ginhana nga lab-on rason nga iya ginluthang.