ILOILO CITY – May yara na sang daan nga malain nga record ang pulis nga nadakpan sa drug buybust operayion kahapon sa Brgy. North Fundidor Molo, Iloilo City.
Ang arestado amo si PSSg Igmedio Cristobal Jr, 40 kag residente sang Brgy. Jereos, Lapaz, Iloilo City.
Nakuha sa pulis ang masobra P374,000 nga balor sang ginapatihan illegal nga droga.
Sa interview sang Bombo Radyo kay Pol. Lt. Col. Arnel Solis, spokesperson sang Police Regional Office (PRO)- VI, iya ginpahayag nga yara pa lamang sa Iloilo City Police Office (ICPO) si Cristobal, may yara na ini sang adminstrative case sang 2016 nga irregularity in the performance of duty kun sa diin, narserbehan na niya ang iya sentensya.
2017 ini suno kay Solis na-assign sa regional headquarters kag kabahin sang nakapasakop sa weight loss program sang PNP bangud sa kadaku-on sang lawas sini.
Sa subong, kabahin si Cristobal sang Regional Election Monitoring and Action Center sa regional headquarters.
Dugang pa ni Solis, ini ang kabahin na sang internal cleansing program sang kapulisan kag nagpasalig nga wala sang may pasantuhon diri.
Wala pa sang impormasyon nga ginatuad si Cristobal angut sa iya nahibaluan sa transaksiyon niya sa illegal nga droga.
