ILOILO CITY – Pasakaan sang nagasalalampaw nga kaso ang pulis nga nadakpan ni Police Regional Office (PRO) 6 director C/Supt. Jose Gentiles nga nagadala sang paltik nga armas luthang.
Sa interview sang Bombo Radyo kay Police Supt. Gilbert Gorero, spokesperson sang PRO-6, ginpahayag sini nga magapangatubang sang kaso kriminal kag paglapas sa gun ban si PO2 Stephen Magno.
Samtang, ginatul-id pa kun ano ang kaso administratibo nga ipasaka batok sa natungdan.
Matandaan nga nakita ni Gentiles nga naka-open hammer ang pusil ni PO2 Magno samtang naka-duty sa sulod mismo sang Kampo Delgado.
Si Magno ang temporaryo nga ginbutang sa Regional Police Holding and Accounting Unit (RPHAU).
Natukiban man nga suspendido si PO2 Magno bangud sa kaso nga neglect of duty rason nga ginpausisa ni C/Supt. Gentiles kun nga-a naga-duty pa ini.