Naaresto sang kapulisan ang isa ka Staff Sergeant sa Batangas bangud sa raket sini kun wala siya sang duty.
Ini matapos nadiskubre nga lider ini sang Gapos Gang nga may modus nga pagpangsulod sa mga tindahan kag ginagapos ang ila biktima antes tabanon ang kwarta.
Nakuhaan sang CCTV footage ang pag-atake sang Gapos Gang sa isa ka baligyaan sang sang bugas kag isa ka warehouse sang softdrinks kun sa diin nakilala ang isa sa mga suspek matapos nakakas ang iya face mask.
Natumod ang identity sang isa ka suspek kag nalakip sa mga naaresto ang ang nasambit nga pulis nga isa ka Police Staff Sergeant.
Positibo naman nga ginkilala sang kapulisan ang nasambit nga pulis nga amo ang nagapangawat kaupod ang iya grupo sa iya day off.
Narekober sa mga suspek ang pusil, mga bala kag iban pa nga kagamitan nga ila ginagamit sa ila operasyon.
Nagapangatubang ang mga ini sang sampaw-sampaw nga kaso.
