ILOILO CITY – Kinahangalan nga i-dismiss na sa serbisyo ang pulis nga nagmaoy sang makaduha ka beses.
Ang pulis amo si Patrolman Jhenil Ejudo, assigned sa Jaro Police Station, kag una nga nagmaoy sa Pototan, Iloilo samtang ang ikaduha amo ang sa Javellana Extension, Barangay Javellana, Jaro, Iloilo City.
Sa interview sang Bombo Radyo kay Pol. Lt. Col. Joem Malong, tagpamaba sang Police Regional Office 6, iya ginpahayag nga luyag ni Pol. Col. Remus Zacharias Canieso, Deputy Regional Director for Administration sang Police Regional Office 6 nga i-dismiss na sa serbisyo si Ejudo.
Una na nga ginpaandaman si Ejudo sang iya commander sadto sa una sini nga pagmaoy apang nagliwat na naman ini.
Sa subong, nagahulat na lang sang imbestigasyon ang Police Regional Office 6 agud nga ma subject na sa summary hearing proceeding ang maoy nga pulis.
Nahibaluan nga ginhagad ni Ejudo ang iya tiayon nga magvideoke apang nagpamalibad ini rason sang iya pagkaakig.
