ILOILO CITY – Dismissal sa serbisyo ang mahimo mangin sanction sang pulis nga makaduha na ka beses nga nagmaoy bangud sa impluwensya sang makahulubog nga ilimnon.
Sa interview sang Bombo Radyo kay Iloilo City Police Director Pol Col Martin Defensor Jr, iya ginpahayag nga ginlaygayan na niya sadto pa lang si Patrolman Jhenil Ejudo nga una na nga ginreklamo sa pagmaoy sa Pototan, Iloilo kag ang ika-duha amo sa Javellana Extension Brgy. Javellana Jaro.
Si Ejudo ang assign sa Jaro Police Station.
Suno kay Defensor, ginpaandaman na niya sadto pa lang si Ejudo kag nagliwat na naman ini sa pagminaoy.
Dugang pa sang natungdan, wala na sang rason nga warningan pa ang nasambit nga pulis bangud makaduha na ka beses ini nga nag maoy.
Nahibaluan nga ginhagad ni Patrolman Ejudo ang iya tiayon nga mag videoke apang nagpamalibad ini rason sang pagkaakig sang nasambit nga pulis.
Natigayon naman nga makapiyansa si Ejudo apang nagapabilin ini subong sa Regional Personnel Holding and Accounting Unit.
