ESTANCIA, ILOILO – Preso na sa subong sa Estancia Municipal Police Station ang isa ka pulis nga nagpalupok sang armas sa Estancia, Iloilo.
Ang pulis ang ginkilala nga si Patrolman Edgar John Sulit, isa ka police trainee.
Sa interview sang Bombo Radyo kay Police Major Niño Leonard Amar, hepe sang Estancia PNP, iya ginpahayag nga hubog si Sulit sang nagpalupok ini sang iya indi lisensyado nga armas.
Apang antes pa man siya nagpalupok, may natabo na ngakumprontahanay sa tunga nila sang iya himata.
Suno kay Amar, pasakaan sang kaso kriminal kag adminstratibo si Sulit lakip na ang paglapas sang Republic Act 10591 ukon Comprehensive Firearms and Ammunition Regulation Act, grave threat kag alarm and scandal .
Samtang suno naman kay Iloilo Police Provincial Office Director Police Col. Marlon Tayaba, aindi na mahimo nga makapadayon pa si Sulit sa pagka-pulis.
Gina-alegar nga may yara man sang ginkuga kag gintampa ang pulis apang inihibaluon pa ni Tayaba kun bala natabo ang insidente nga naga-umpisa na ini sa training ukon sang naga-apply palang bilang pulis.
Nagpanugyan naman si Tayaba sa mga kapulisan nga hugtonang background check sa mga tawo nga luyag magsulod sa hanay sang pulisya.
