Nakapyansa na ang maritime police nga nag-tuga sang ginamo sa isa ka resto bar sa Poblacion Zone 1, Estancia sang Enero 28.
Ini amo si Patrolman Derick Salarzon Zamora, 27-anyos, residente sang Barangay Sabang, Cabugao, Ilocos Sur, kag na-assign sa Philippine National Police (PNP) Maritime Station sa Estancia.
Sa interview sang Bombo Radyo kay PMaj. Marvin Buenavista, Hepe sang Estancia Municipal Police Station, iya ginpahayag nga nagpangatubang ini sang kaso nga alarm and scandal apang gilayon man nga nakapyansa.
Suno kay Buenavista, bangud sa kahubog, nagmaoy ang pulis kag nanawag pa sang kaupod niya nga maritime police, kag sang makaabot, ginpangsumbag man niya ang mga ini.
Didto kag gin-aresto nalang nila ini agud indi na makatuga pa sang gamo.
Nagpahanumdom man si Buenavista sa kapareho nga uniformed personnel nga nga mangin responsable ilabi na gid kun nakainom sang makahulubog nga ilimnon kag mangin maayo nga ehemplo sa pumuluyo.
