ILOILO CITY- Ginpamatbatan nga guilty sang Tarlac Regional Trial Court si anay Police Sergeant Jonel Nuezca sa kaso nga pagpatay sa mag-iloy nga sanday Sonia kag Frank Gregorio sa Paniqui, Tarlac sang Disyembre 20, 2020.
Ginsentensiyahan si Nuezca sang reclusion perpetua ukon tubtob sa 40 ka tuig nga pagkabilanggo.
Ginapabayad man ini sang P952,560 nga damages sa pamilya Gregorio.
Matandaan nga gintiro ni Nuezca ang mag-iloy bangod lang sa ila pagbaisay angot sa pagpalupok sang boga kag right of way.
Nakuhaan sang video ang insidente kag nangin viral sa social media.
