Ginapangita subong ang isa ka pulis nga nalagyo matapos nga nangtaya ini sang pusil kag ginsumbag ang iya kontra sa pusoy dos sa Brgy. Tatalon, Quezon City bangud napierde sa hampang.
Ang suspek ang may ranggo nga Police Chief Master Sergeant (PCMS) kag assigned sa Regional Peace and Anti-Terrorism System (RPHAS) sa Camp Bagong Diwa, Taguig City.
Suno sa biktima nga si alyas “Jan”, 40 anyos, yara sila sa haya kag magkaupod nga nagahampang sang suspek sang nanginit ini bangud napierde.
Agud makalikaw sa gamo, nagbiya na lang ang biktima apang ginsundan ini sang pulis kag ginsumbag kag gintayaan pa sang pusil.
Magapangatubang sang kaso nga Physical Injury kag Grave Threat ang pulis.
