ILOILO CITY – Kaso nga frustrated murder ang atubangon ni PO2 Melvin Mocorro.
Ini matapos ang padakop kay Mocorro kahapon sang hapon samtang confined sa Iloilo Mission Hospital.
Sa interview sang Bombo Radyo kay Senior Inspector Mary Grace Borio, hepe sang Arevalo PNP, nagaguwa sa ila pag-usisa nga si Mocorro ang una nga nagluthang kay PO2 Dorben Acap Jr. sa Barangay Dulunan, Arevalo, Iloilo City.
Ipaidalom sa inquest proceedings sanday Mocorro kag duha ka John Doe.
Santu sa mga pamatuod nga natipon sang Arevalo PNP, nagaguwa nga yara sa crime scene si Mocorro sang natabo ang pagluthang kay Acap.
Magluwas diri, gintumod mismo ni Acap nga si Mocorro amo ang nagluthang sa iya.
Sa pihak sini, indi pa matul-id kun ano ang motibo sa krimen bangud nga wala pa nakahatag sang pahayag si PO2 Mocorro.
Nahibaluan anga si Acap ang ginakabig anga high value target bangud sa gina-alegar kahilabtanan sa illegal drugs.