Pulis, pasakaan sang kaso ang organizers sa ginpatigayon nga prusisyon sa barangay sa Cebu sa pihak sang pagpapa-idalom sa lugar sa ECQ

CEBU CITY – Pasakaan sang kaso sang Central Visayas Police ang organizers sang prusisyon nga ginhiwat sa Barangay Basak San Nicolas, Cebu City sa pihak sang pagpa-idalom sa lugar sa enhanced community quarantine.

Ang nasambit nga barangay ang isa sa mga lugar nga gin-lockdown matapos gin-kilala bilang COVID-19 hotspot sa syudad.

Suno kay Cebu City Mayor Edgar Labella, nag-mandu na ang City Legal Office sa mga opisyales sang Barangay nga magpaathag sa ila ginhimo sa sulod sang 24 oras.

Nahibaluan nga ang pagpatigayon sang prusisyon sang nasambit nga barangay ang angot sa ila kapistahan.