Patay ang isa ka pulis nga may ranggo nga corporal matapos nga aksidente nga matiruhan ang iya nga tiyan sa Sitio Ukban, Barangay Buhisan, Cebu City.
Ang nasambit nga pulis nga 33-anyos ang assigned sa Provincial Investigation and Detective Management Unit (PIDMU) sang Cebu Police Provincial Office (CPPO).
Suno kay Police Lieutenant Colonel Maria Theresa Macatangay, Deputy City Director for Operations kag spokesperson sang Cebu City Police Office, may nakuha ang mga imbestigador nga CCTV footage sa balay sang pulis.
Makita sa CCTV nga nag-abot ang pulis halin sa trabaho, ginahukas ang iya nga mga bayo kag pistol belt.
Ginkuha niya ang iya nga 9mm service firearm, apang aksidente niya nga napitik ang gatilyo kag naigo ang iya tiyan.
Base sa CCTV footage, nagaisahanon ang biktima sa ila nga balay sang matabo ang insidente.
