ILOILO CITY – Patay ang isa ka pulis matapos ginluthang sang kaangay nga pulis sa headquarters sang 602nd Company sang Regional Mobile Force Battalion sa Barangay Guadalupe, Janiuay, Iloilo.
Ang biktima ginkilala kay PO1 Melchor Casipe Jr. sang Zone 7, Pulupandan Negros Occidental samtang ang suspek ginkilala nga si PO1 Christian Kenneth Senon sang Jereos, La Paz, Iloilo City.
Nag-angkon sang tatlo ka igo tuga sang pagkaluthang ang biktima.
Santu sa inisyal nga report, lunsay assigned ang duha sa Police Regional Mobile Force Battalion (RMFB) 6.
Padayon pa nga ginahibalo sang Police Regional Office 6 ang gintunaan sang insidente.
Suno kay PRO-6 spokesperson Supt. Joem Malong, ginpadala na ni PRO-6 director C/Supt. John Bulalacao sa Janiuay si S/Supt. Remus Zacharias Cansieso, chief sang Regional Directorial Staff, agud mag-imbestiga sa insidente.
Apisar ginapahayag nga indi pag-intyindihanay ang gintunaan sang pagluthang sang suspek sa kaangay nga pulis, luyag matul-id sang PRO-6 ang mas madalom nga rason kaangay sang mga aktibidad sang duha antes ang insidente.
Nahibaluan nga mismo ang iya issued firearm nga Glock .9mm ang gin-gamit sang suspetsado sa pagluthang sa biktima.