𝗜𝗟𝗢𝗜𝗟𝗢 𝗖𝗜𝗧𝗬 — Patay ang isa ka pulis matapos nga natiruhan sini ang iya kaugalingon sa ila puluy-an sa Brgy. Mansaya, Lapuz, Iloilo City.
Ang biktima amo si Police Corporal Danilo Muñoz, assigned bilang City Intelligence Unit sang Iloilo City Police Office (ICPO).
Sa interview sang Bombo Radyo kay Police Captain Marlon Perez, hepe sang La Paz Police Station, iya ginpahayag nga aksidente nga natiro sang pulis ang iya kaugalingon, sa diin, gilayon ini nga naghuray-ad sa terrace sang ika-duha nga panalgan sang ila nga puluy-an.
Suno kay Perez, hapon sang Hunyo 14, 2024 sang ginsugo sang biktima nga pulis nga magbakal ang iya nga asawa kaupod ang ila anak.
Apang sa pagbalik sang asawa kag anak niya sa ila puluy-an, didto na kag natukiban ang duguon kag wala na sang kabuhi nga lawas sang biktima.
Nahibaluan nga nag-agum ang biktima sang patal nga pilas sa ulo, nga nangin rason man sang iya nga kamatayon.
Gindala pa sa ospital ang pulis, apang gindeklara man sang doktor nga Dead-on-arrival.
