Maayo gid nga balita para sa UEANAs!
May idugang nga mga pulungkuan sa sold out “H.E.R” concert sang Korean star nga si IU sa Philippine Arena sa Hunyo 1!
Suno sa concert promoter nga Pulp Live World, may ginbuksan nga mga dugang nga pulungkuan sa Upper A tubtub sa Upper E tiers.
Nagatupa ang presyo sa P1,500 sa Upper E side seats pakadto sa P6,500 para sa Upper A side sections.
Igabaligya ang tickets sa Mayo 11, 11 a.m. via Pulp tickets.
Matandaan nga may comeback si IU sa iya album nga “The Winning” sang Pebrero. Enero naman sang ginpaguwa sini ang pre-release single nga “Love Wins All” kun sa diin yara si V sang BTS.
Kilala si IU sa iya mga kanta nga “Palette (feat. G-DRAGON),” “eight (Prod. & feat. SUGA of BTS),” “BBIBBI,” “LILAC,” “Blueming,” kag madamo nga iban pa. Isa man siya ka popular actress kag natalana nga mangin star sa upcoming drama nga “Thank You for Your Hard Work” kaupod si Park Bo Gum.#
IU live in Seoul, South Korea. Image: EDAM Entertainment
