Gin-ransack sang wala pa makilal-an nga mga persona ang isa ka puluy-an sa Barangay Tamboilan, Dumangas, Iloilo.
Sa interview sang Bombo Radyo kay Police Master Sergeant John Mark Tuazon, imbestigador sang Dumangas Municipal Police Station, iya ginpahayag nga wala gid sang tawo ang balay sang ini ang ginsulod sang wala pa makilal-an nga persona, bangud ang tag-iya ang yara nagatenir sa Iloilo City.
Suno kay Tuazon, nagpauli ang tag-iya nga makuha kuntani sang mga documents sang iya mga kabataan sang natukiban sini nga guba ang kandado sang ila pwertahan.
Nagdiretso ini siya sulod kag didto nakita niya nga nagalinapta na ang mga gamit sini.
Dugang pa sang natungdan, natigayon nga nataban ang isa ka laptop, duha ka ipad, kag masobra 100,000 nga kwarta kag iban pa nga mga gamit kag alahas.
Sa subong, padayon pa ang imbistigasyon kag may yara naman sang ginasundan nga person of interest ang mga otoridad.
