Puluy-an sang HVT nga katapo sang Odicta Drug Group gin-raid, mga armas kag granada nakuha

ILOILO CITY – Ginsalakay sang mga otoridad ang puluy-an sang ginakabig nga high value target sa Barangay Antonio Yusay, Sara, Iloilo.
Gin-raid sang gintingob nga puwersa sang Provincial Drug Enforcement Unit sa pagpanguna ni C/Insp. Charlie Sustento, Sara police kag Provincial Public Safety Company, ang balay ni James Balsomo I.
Si Balsomo ang ginakabig nga high value target no. 2 sa probinsiya sang Iloilo kag katapo sang grupo sang ginpatay nga drug lord nga si Melvin Odicta.
Nakuha gikan sa puluy-an ni Balsomo ang nagkalain-lain nga armas, mga bala, granada, shabu kag marijuana.
Apang nakapalagyo ang subject sang nasambit nga drug operation.