(PHOTO CREDIT:FLAVOURSOFILOILO)
ILOILO CITY- Gindesisyunan sang Iloilo City Government nga sayluhon sa Old Terminal sang mga fastcraft nga nagabyahe Bacolod-Iloilo sa baylo nga sa Old Customs House ang mangin temporaryo nga dulungkaan sang mga pumpboats nga nagabyahe Iloilo- Guimaras and vice versa.
Sa interview sang Bombo Radyo Iloilo kay Mr. Jeck Conlu, pinuno sang Public Safety and Transportation Management Office, iya ginpahayag nga may mga barriers kag mga beautification projects sa atubang sang Old Customs House rason nga ginsaylo ang temporaryo nga dulungkaan sang mga pumpboats.
Magluwas diri, ini agud indi man makadistorbo sa dalagan sang trapiko ang pagdugok sang mga tawo nga nagatabok sa Iloilo kag Guimaras.
Ibutang naman ang galawaran sang tickets sang mga pasahero sa Iloilo Freedom Grandstand.
