JORDAN, GUIMARAS – Wala sa gihapon makit-an ang pumpboat nga naglugdang sa Brgy. Lawi, Jordan, Guimaras matapos maabtan sang pugada sa tunga sang kalalawran.
Ang nasambit nga pumpboat ang ginasakyan sang mag-amay nga Jason Vinson kag Catalino Vinson sang Nueva Valencia, Guimaras.
Sa interview sang Bombo Radyo kay Catalino Vinson, iya ginpahayag nga indi ila ang pumpboat nga nakit-an nga nakasampay sa Pulupandan, Neros Occidental.
Suno kay Vinson, ang pumpboat ang ginagamit nila sang iya anak sa pagpangita sang palangabuhian bilang mga manugpangisda.
Dugang pa sang natungdan, nagalaom siya sa gihapon nga makita ang ila nga pumpboat.
