ILOILO CITY– Padayun ang ginahimo nga pagpahanumdum sa mga pumuluyo sang Brgy. Calajunan Mandurriao Iloilo City nga ipabilin ang katinlo sang palibot.
Ini ang may kaangtanan sa padayun nga nagataas nga kaso sang dengue.
Sa interview sang Bombo Radyo kay Punong Barangay Efraim Tagatayan, iya ginpahayag nga may yara sang duha ka kaso sang dengue sa iya barangay ang narekord.
Isa ang sa bulan sang Hunyo samtang isa naman ang sa bulan sang Hulyo.
Suno kay Tagatayan,iya ginpahayag nga gina-engganyo nila ang mga pumuluyo nga pakulbon ang mga nagakaya nga mga bagay nga mahimo tiniran sang mga lamok.
Adlaw-adlaw naman siya nagalibot suno kay Tagatayan kaupod ang iban pa nga opisyales sang barangay agud mapasigurado ang katinlo sa palibot sang barangay.
