ILOILO CITY – Nagawangal ang mga pumuluyo sa pila ka barangay sa syudad sang Iloilo nga wala pa nakabaton sang gift pack halin sa City Social Welfare And Development Office.
Sa interview sang Bombo Radyo kay Jeck Conlu, pinuno sang Public Safety and Transportation and Management Office (PSTMO), iya ginpahayag nga kapin 40,000 ka beneficiaries ang ila hatagan sang Paskwa nga bugas sa diin ginapatigayon kada tuig sang City Government.
Agud malikawan ang mass gathering, ginpanghatag nalang sa kada barangay suno kay Conlu ang nasambit nga bugas.
Gin-athag ni Conlu nga wala sila makabaton sang impormasyon nga may mga barangay pa nga wala nabaton sang gift pack.
