ILOILO- Nagapanawagan sang dugang nga bulig kag pagpangamuyo ang mga pumuluyo sang Itbayat Batanes nga nahalitan bangud sa pagluntad sang magkasunod nga magnitude 5.4 kag 5.9 nga linog.
Sa interview sang Bombo Radyo kay Batanes Provincial Disaster Risk Reduction and Management Office head Roldan Esdicol, iya ginpahayag nga nagapadayun man ang pag-abot kag paghatag sang mga relief goods sa mga apektado nga pumuluyo apang nagakinahanglan man sila sa sang dugang nga pagkaon,tubig, kag bulong.
May mga drop off kag pick up points man sila nga nahamtang sa Tuguegarao kag clark airport.
Suno kay Esdicol nagapadayun man sa gihapon ang serye sang mabaskog kag mahinay nga mga aftershocks rason nga sa tents sa plaza nagatiner ang mga pumuluyo bangud delikado pa magbalik sa ila tagsa ka mga pamalay.
