GUIMARAS-Wala sang mahimo ang mga pumuluyo sa probinsya sang Guimaras matapos kanselado ang binayle sa pagpatigayun sang fiesta sa Salvacion Nueva Valencia Guimaras.
Ini ang may kaangtanan sa kanselasyon sang mga pagtililipon bilang kabahin sang preventive measures agud indi na maglapta pa ang coronavirus disease 2019.
Sa interview sang Bombo Radyo kay Niño Secreto, residente sang Poblacion Nueva Valencia Guimaras, iya ginpahayag nga madisco siya tani apang wala nadayun bangud kanselado ang nasambit nga aktibidad.
Suno kay Secreto, ulihi nalang siya nakahibalo nga kanselad ang disco sa nasambit nga barangay.
Pahayag pa niya, wala sila sang mahimo kundi ang magsunod kag magbinuligay para sa kaayuhan sang kadam-an sa ila probinsya.
Nahibaluan nga madamo nga mga kabarangayan sa Guimaras ang wala na sang mga aktibidad sa paghiwat sang fiesta bangud sa pagbawal sang mga aktibidad nga makaganyat sang madamo nga numero sang mga tawo.
