Ang punggod ang masabad sa aton nga nawong. Agree ka bala?
Apang may kilala ka bala nga “hobby” na ang pagtudos sang iya nga punggod? O di gani basi ikaw kalingawan mo man nga tudson ang imo punggod?
Aba! Punggi ang imo kaugalingon! Bangud wala dapat ginatudos ang punggod bangud mahimo ini nga madagdag sa impeksyon kag iban pa nga balatian sa panit.
Suno kay Stephanie Chua, isa ka dermatologist, kun may yara ikaw sang dako nga punggod, indi ini dapat pagtandugon ukon tudson bangud mahimo nga indi mapaguwa sang maayo ang nana nga mangin tunaan pa sang impeksyon sa panit.
Kun may punggod pahayag sang eksperto, mas maayo nga idangop ini sa dermatologist agud maresetahan sang bulong.
May yara sang insakto nga technique ukon pamaagi sa pagtudos sang punggod kag ginapili lamang sang mga dermatologist ang punggod nga ila tudson.
Ginhalimbawa ni Chua ang isa ka pasyente nga nagka-uyapos kag nagbanog ang nawong matapos nga nagsala ini sa pagtudos sang iya nga punggod.
Mahimo man nga magtuga sang pagkabulag kun maglab-ot sa may bahin sang mata ang impeksyon bangud sa sala nga pagtudos.
Kuto lang ang ginatudos kag indi ang imo nga punggod.
