DOCSLIDE.NET
Arestado ang isa ka punong barangay matapos ginserbehan sang warrant of arrest sa Lapuz Iloilo City.
Ang arestado si Punong Barangay Rodrigo ‘Boy’ Dellomes 63 anyos sang Don Esteban Lapuz Iloilo City.
Sa interview sang Bombo Radyo kay Dellomes, iya ginpahayag nga ang iya kaso ang nag ugat sa ginapahayag pag hupot sini sang mga kahoy nga gina alegar, iligal nga ginpang utod sa Agusan del Sur.
Suno kay Dellomes, may nag search na sang tuig 2017 sa iya ugsaran nga taga Department of Environment and Natural Resources (DENR) kag gin akusaran ini nga naglapas sa Presidential Decree No. 705 ukon Revised Forestry Code of the Philippines.
Gin-athag man sang opisyal nga wala ini makahibalo nga may ginlapas ini nga layi.
Sa pagkamatuod uno kay Dellomes, siya ang una nga nagpasaka sang kaso sa mga opisyal sang DENR sa Office of the Ombudsman.
Depensa ni Dellomes, ginahimo lang ini sang mga opisyal sang DENR bangud indi sang mga ini makuha ang ila retirement.
