Patay ang isa ka punong barangay kag duwa ka iban pa sang ginbungguan sang isa ka van ang isa ka motorsiklo sa Iriga City, Camarines Sur.
Ang napatay amo sanday Rodrigo “Digoy” Salcedo, chairman sang Brgy. Santiago kag pasahero sang van; James, 30-anyos, driver sang van; kag isa pa ka pasahero nga si Panga, 52-anyos, residente sang Brgy. Sto. Domingo.
Kritikal man ang isa pa ka pasahero nga si Monte, 62-anyos samtang pilason ang motorcycle rider nga si Doy, 21-anyos, kag lunsay residente sang Iriga City.
Base sa imbestigasyon, halin sa isa ka okasyon ang mga biktima nga sakay sang van nga may plate number NAE-1758 sang nagtuyo nga mag-overtake sa ginasundan nga motorsiklo apang na-sideswipe sini ang rider gani nagtumpilak.
Nadulaan naman sang kontrol ang van kag nagbunggo sa pader.
Padayon pa ang imbestigasyon sang otoridad sa amo nga trahedya.
