Ginpanindugan ni Punong Barangay Larry Palomo sang Zone 1, Barangay MH Del Pilar, Jaro, Iloilo City nga iligal kag sala ang pagpangtapik sang politiko sang ila mga campaign poster sa mga poste kag dingding sa syudad sang Iloilo.
Sa interview sang Bombo Radyo kay Punong Barangay Palomo sang nasambit nga lugar, iya ginpahayag nga sa ila barangay wala sang may makit-an nga poster sang politiko bangud indi siya pabor diri.
Suno kay Palomo, sa mga pribado nga balay kag building naman, nakadepende na sa tag-iya kun pasugtan nila ang mga campaign poster nga ginpangtapik sa ila mga dingding.
Hugot man ang pagpati sang natungdan nga ang pagpangtapik sang poster sa mga poste sang politiko ang indi maayo nga lihok.
Wala man nagapasugot si Palomo kun may magtapik nga tawo sang politiko sa bisan diin nga bahin sang ila barangay.
