Ginkatingala ni Punong Barangay Lilibeth Eduardo sang Burgos, Mabini, La Paz, Iloilo City nga may mga tawo nga ginpangbutang sa Graciano Lopez Jaena Elementary School.
Ulihe na nahibaluan sang punong barangay nga ginhimo nga quarantine facility ang eskwelahan.
Sa interview sang Bombo Radyo kay Eduardo, iya ginpahayag nga mahimo nga ang transaksyon ang yara sa tunga sang Department of Education kag sang Iloilo City Government apang kuntani bilang opisyal sang barangay, ginpahibalo man siya sa nangin plano.
Suno sa punong barangay, ginabanta yara na sa 30 ka mga indibidwal ang naka-quarantine subong sa amo nga eskwelahan.
Gin-ako man sang natungdan nga sang iya ini nahibaluan, nangin indi maayo ang iya reaksyon bangud pahayag niya, na-insulto siya nga wala sila nga mga barangay officials ginpahibalo.
