CABATUAN, ILOILO – Patay ang isa ka punong barangay matapos nakuryente sa Cabatuan, Iloilo.
Sa interview sang Bombo Radyo kay Police Lt. Joebert Amado, imbestigador sang Cabatuan Municipal Police Station, iya ginpahayag nga ang biktima amo si Punong Barangay Marcelo Malificiar, 56, kasado kag residente sang Zone X, Poblacion, Cabatuan, Iloilo.
Suno kay Amado, nagakaayo si Malificiar sang booth para sa Agro-Industrial Fair may kaangtanan sa nagahilapit nga kapiyestahan sang nasambit nga banwa.
Ginpahayag ni Amado nga mahimo nga nalab-ot sang live wire ang hagdan kun sa diin nagapatong si Malificiar.
Gilayon nga gindala sa hospital ang punong barangay apang ginbawian sang kabuhi.
