ILOILO CITY – Patay na sang masapwan ang punong barangay sang Lu-ag, Dueñas, Iloilo matapos nga ginapahayag naghikog.
Ini ang ginkilala kay Punong Barangay Roger Bautista, 53-anyos, nga liwat napilian bilang punong barangay sa ginpatigayon nga barangay election sang damlag lang.
Suno kay PO3 June Rey Laru-an sang Dueñas Municipal Police Station, nakita na lang sang foreman sang gina-ubra nga balay malapit man sa puluy-an sang punong barangay, nga may higit na sa li-og ang biktima kag nagakabit sa puno sang kahoy sa higad sang dalan.
Suno kay PO3 Laru-an, santu sa pahayag sang asawa ni Bautista, naglakat ang biktima mga alas-9:00 kagab-i padulong kay “Orig” nga nagapa-ubra sang balay, kag sang iya gintsekyar ala-1:00 sang kaagahon, wala nakapauli ang iya bana tubtob mag-aga.
Blangko ang pamilya sa rason sang ginapahayag pagpanginmatay ni Bautista apang ang Dueñas PNP padayon nga naga-imbestigar kun may foul play sa insidente.