ILOILO CITY – Ginpanginwala sang punong barangay nga iya ang nakuha nga droga sa ginpatigayon nga drug buy-bust operation sa Barangay Inagdangan Centro, Zarraga, Iloilo.
Sa interview sang Bombo Radyo kay Punong Barangay Bernard Galache, iya ginpahayag nga ginpukaw lamang siya sang mga kapulisan kaina sang aga, ginkuha ang kahita kag ginbalik sa iya hawak.
Sunod siya nga gindala sa isa ka lugar, ginposasan kag gintamnan sang ebidensya.
Suno kay Galache, indi mapatihan ang pahayag sang pulis nga nabaklan ini sang isa ka sachet sang suspected shabu nga nagabalor sang P20, 000.
Pahayag pa sang natungdan, indi matuod nga nabaklan siya sang iligal nga droga kaina sang aga bangud nga ginpukaw lamang siya.
Gindula man niya ang posibilidad nga may lamod-pulitika ang pagdakop sa iya.
Samtang, nakahanda man ini nga atubangon ang kaso nga ipasaka sa iya sang kapulisan.
Matandaan nga nabaklan ini sang isa ka sachet sang ginapahayag shabu kag nakuha dugang sa iya ang 11 pa ka sachet sang droga.
