Ginkumpirma sang Criminal Investigation and Getection Group (CIDG) Region 6 nga may kaangtanan si Punong Brgy. Joel Obregon sang Pali Mandurriao sa grupo sang mga drug personalities ilabi na sa Prevendido Drug Group sang Bakhaw Mandurriao.

Sa interview sang Bombo Radyo kay PCI Julius Jacinto sang CIDG 6, Team Leader nga nagserbe sang Search Warrant sa puluy-an ni Obregon, ang report ang ginvalidate sang mga police.

Gilayon naman nga ginpanginwala ni Punong Barangay Joel Obregon sang Pali Benedicto Mandurriao ang kaangtanan sini sa Prevendido Drug Group.

Suno kay Obregon, may ideya na ini sang posible mga nagsulsol sa otoridad kag ginalauman na sini ang kaangay nga lihok tungod man sang mga nakontra sini ila barangay.

Aminado ini nga iya ang mga recoveries nga ginalakipan sang mga masunod:

  • 1 round sang caliber 40 live ammo;
  • 1 round sang super 38 caliber live ammo;
  • 4 ka lip-ot nga magazine assembly sang m16 armalite rifle;
  • 4 ka fired cartridge sang cal .45;
  • 1 ka fired cartridge sang .9mm pistol;
  • 1 ka air rifle;
  • 1 ka bandolier; kag
  • 1 ka rifle bag.

Sang ginpmangkot sang Bombo News Team kung ngaa may mga ginahuptan ini nga mga bala kag bahin sang armas, pahayag ni Obregon nga daan na ang mga ini kag ginhatag lamang sa iya sang isa niya ka abyan nga wala na sini ginhingadlan pa.

Yara na sa kustodiya sang CIDG 6 si Obregon samtang 100 thousand pesos ang gintagna sang korte para sa iya temporaryo nga kahilwayan.