ILOILO CITY- Ginbawian gid sang kabuhi si former Punong Barangay Ernie Porral sang Ingore, La Paz matapos nga gintiro sa Brgy. Baldoza sa amo nga distrito.
Sa interview sang Bombo Radyo kay Brgy. Kagawad Reynold Lam sang Baldoza, iya ginpahayag nga mabakal kuntani sang bubod si Porral sang ini ang ginluthang.
Suno ka Lam, duha ka lupok ang nabatian sa lugar kag didto na naghuray-ad si Poral.
May nakakita naman sa suspek nga nagatambay kag naka-helmet nga nagsakay gilayon sa motorsiklo kag nagpalagyo sa direksyon padulong sa Ticud, La Paz.
