ILOILO – Ginpa-Bombo sang isa ka Barangay Kagawad ang ila Punong Barangay sa Caguisanan, Lambunao Iloilo.
Sa interview sang Bombo Radyo kay Barangay Kagawad Hernane Latoza, iya ginpahayag nga sang tinalikdan nga tuig, nagpropose sila sang pila ka mga proyekto.
Ini amo ang mga masunod:
- Riprapping sang kilid sang suba sa Sitio 40 sa nasambit nga barangay;
- Pagpinta sang Caguisanan Ementary School; kag
- Pagpakay-o sang salog sang Basketball Court
Apang sang nagligad nga tuig, natukiban nga ginpangdala ni Punong Barangay Rogelio Pastolero ang mga materyales nga para kuntani sa nasambit nga mga proyekto.
Lakip sa mga materyales amo ang masunod:
- 160 ka sako sang semento para sa riprapping sa suba;
- anom ka galon sang pista para sa last coating sa Caguisanan Ementary School building;
- 88 ka kable para sa basketball court;
- 3 by 20 nga tubo para sa flag hole;
- apat ka 4 by 31 nga galvanized iron (GI) sheet ukon sin para sa nagkalain-lain nga okasyon sang barangay
Magluwas sini, natukiban man nga ginbaligya sang Punong Barangay ang pila ka materyales kanday Lorena Lanaban, Lilibeth Lebuna, Roselyn Gonzales kag iban pa.
Ginreklamo man ni Latoza na ang indi paghatag sang honorarium sa meeting nga iya gintambongan sang Enero nga nagdangat sa P2,920 santo sa ila internal rule.
Gintinguhaan man sang Bombo Radyo nga malab-ot si Punong Barangay Pastolero apang ginpaathag sini nga itugyan nalang nila sa abogado ang kaso.
