ILOILO CITY – Nadakpan sa ginpatigayon nga drug buy bust operation sang Regional Drug Enforcement Unit (RDEU) ang isa ka barangay kapitan sa siyudad sang Iloilo.
Ginsulod sang mga katapo sang RDEU ang puluy-an ni Punong Barangay Jolly Penasales sang Rizal, La Paz, Iloilo City kag nakaposas pa sang gindala sang mga otoridad.
Sa interview sang Bombo Radyo Iloilo, ginpahayag ni S/Insp. Kenneth Bermejo, pinuno sang RDEU, nakuha sa punong barangay ang duha ka bulto sang shabu nga tig-10 ka gramo, duha ka 9mm pistol, mga bala kag buy bust money.
Suno kay Bermejo, madugay na nga ginamonitor sang RDEU si Punong Barangay Penasales.
Ginapahayag nga nagikan sa Negros Island Region kag Cagayan de Oro ang supply sang iligal nga droga sang barangay kapitan.