ILOILO CITY – Ginpanginwala sang barangay officials sang Barangay Tanza Baybay, Iloilo City Proper nga ginabuhinan ang social amelioration fund nga ginahatag sa mga pumuluyo.

Sa interview sang Bombo Radyo kay Punong Barangay Dominador Deocampo, iya ginpahayag nga wala sang kamatuoran nga gina buhinan sang P1,500 ang P6,000 nga cash aid sang Department of Social Welfare and Development nga amo ang ginahatag sa mga benepisyaryo.

Suno kay Deocampo, nakahibalo siya kun sin-o ang numero uno nga chismosa sa iya nga barangay nga amo ang nagapalapta sang sala nga impormasyon.

Sa pagkamatuod, nahatag na ang tanan nga social amelioration fund sa mga benepisyaryo.