ILOILO CITY – Nagakinahanglan sang pagkapisan kag determinasyon ang pag-engganyo sa mga drug perosonalities nga magbiya na sa illegal drugs.
Ini ang pahayag ni Punong Barangay Oscar Guarin sang Aguinaldo sa distrito sang La Paz matapos nga isa ang ila lugar sa mga drug-cleared barangay sa syudad sang Iloilo.
Sa interview sang Bombo Radyo kay Guarin, iya ginpahayag nga indi nangin mahapos ang iya gin-agyan agud nga mangin-drug cleared ng ila barangay.
Suno kay Guarin, madamu sang ginahingyo nga rekisitos ang regional oversight committee tuhoy sa drug clearing operations.
Ginpahayag ni Guarin nga padayon ang drug rehabilitation sang mga natumod nga drug personality sa ila lugar.
Sa subong suno sa Punong Barangay, wala pa siya nakabaton sang dukomento nga makapamatuod nga isa ang Aguinaldo sa mga drug-cleared barangay apang iya ginkalipay ang maayo nga balita.
