Malipayon kag proud si Punong Barangay Edgar Arañador sang Brgy. Balabago, Jaro, Iloilo City matapos nabakunahan sang COVID-19 vaccine.
Sa interview sang Bombo Radyo kay Punong Barangay Arañador, iya ginpahayag nga daw kaangay nga 50 porsyento ang iya abanse bangud vaccinated.
Ini ang ginbakunahan sang CoronaVac nga himo sang Sinovac brand.
Nagapati si Arañador nga magasunod man ang iya mga pumuluyo sa pagpabakuna kun makit-an sang mga ini nga nagpanguna ang ila lider sa barangay.
Suno kay Arañador, May 20 ukon 21 ang iya schedule para sa second dose sang Sinovac vaccine.
Ginpahayag sang opisyal nga padayon niya nga gina-engganyo ang iya pumuluyo nga magparehistro para sa COVID-19 vaccination.
