πππ’πππ’ πππ§π¬βNagapati si Punong Barangay Ronela Juaniza sang Brgy. San Isidro, Jaro, Iloilo City nga pagpamulitika lang ang tanan nga ginaubra sa iya sang mga kagawad sa ila lugar.
Ini kasunod sang gina-alegar nga may kakulangan sa pagsumiter sang financial report sang nasambit nga barangay.
Sa interview sang Bombo Radyo kay Juaniza, iya ginpahayag nga ang tanan nga ginbakal nga food commodities sang Disyembre 2023 ang ginpanagtag sa 400 ka mga indibidwal kag saksi sa natabo ang tanan nga mga kagawad.
Suno kay Juaniza, bisan ang iya kagawad nga si Kagawad Ruby Gallano ang nagkuha sang isa ka sako nga bugas agud nga ipanagtag sa iya nga mga nasakopan.
Ginpahayag man sini nga ang tanan nga food commodities ang wala sang may ginbilin bangud ubos ini nga ginpanagtag.
Gin-athag man sini nga yara man ang mga kagawad sang nagkuha sila sang pila ka mga bulong.
Ginkakibot man sang natungdan nga nagpasaka ang mga kagawad sang complaint sa Sangguniang Panlalawigan batok sa iya sa amo nga issue.
Walay sapayan nga ginsabat sang punong barangay ang mag akusasyon sa iya sa sulod sang 15 ka adlaw.
Nahibaluan nga luwas sa anom ka mga barangay kagawad nga nagpasaka sang reklamo batok kay Juaniza, may duha pagid ka mga nagdugang sang reklamo batok sa iya.
