ILOILO CITY – Naka-quarantine sa gihapon ang Punong Barangay sang Cochero, Molo, Iloilo City matapos nagpauli halin sa Japan.
Sa interview sang Bombo Radyo kay Brgy. Kagawad Vivian Binoy, iya ginpahayag nga sang Marso 14 pa nagpauli sa ila barangay si Punong Barangay Teresita Chua.
Suno kay Binoy, apisar nga wala sang sintomas sang Coronavirus Disease 2019 (COVID-19), ginkabig nga Person Under Monitoring ang Punong Barangay.
Ginpahayag ni Binoy nga nagdesisyon na lang ang punong barangay nga magpaidalom sa quarantine sa banwa sang Oton.
Magluwas diri, may isa man ka Person Under Investigation sa nasambit nga barangay kun sa diin ang 28 anyos nga lalaki ang may travel history sa Davao kag nakitaan sang sintomas sang COVID-19.
