BANATE, ILOILO – Nagapasalamat ang Punong Barangay sang De la Paz, Banate, Iloilo matapos napili-an bilang isa sa mga venue sang nagapadayon nga Dugong Bombo 2020.
Sa interview sang Bombo Radyo kay Punong Barangay Loevy Gajete sang nasambit nga lugar, iya ginpahayag nga ini ang labing una nga kahigayunan nga may ginhiwat nga bloodletting activity sa ila lugar.
Suno kay Gajete, ang Brgy. De la Paz ang nagserbe nga cluster area sang pito ka mga barangay sa banwa sang Banate.
Ginpahayag sang natungdan nga 200 ka successful blood donors ang target sa subong nga Dugong Bombo.
