ILOILO CITY – Nagpabutyag sang pagkadismaya si Punong Barangay Marites Morga sang North Baluarte, Molo, Iloilo City matapos nga anum ka residente sa ila lugar ang nagpositibo sa COVID-19.
Suno kay Morga, wala siya ginpahibalo nga nagpakuha sang swab sample para sa COVID-19 test ang anum ka pasyente kag ulihi na lang natukiban nga may nagpositibo sang may nagpadulong nga mga tiglawas sang City Health Office sa ila lugar.
Suno kay Morga, mismo ang amo sang anum ka pasyente ang nagpositibo man sa virus kag siya man mismo ang naggasto sa COVID-19 test.
Ginpahayag ni Morga nga bilang Punong Barangay, ginpahibalo siya kun tani nga may yara sang suspected COVID-19 positive agud nga makapangita gilayon sang paagi agud nga indi mahalitan ang iban nga residente sang North Baluarte.
Sa subong, gin-lockdown na ang porsyon sang barangay kun sa diin naga-istar ang mga COVID-19 positive.
