ILOILO CITY – Madamo sang nagapamatok sa pagpabakuna sa COVID-19 sa Barangay San Isidro, Jaro, Iloilo City.
Sa interview sang Bombo Radyo kay Punong Barangay Felix Dureza, iya ginpahayag nga madamo sang nagapalab-ot sang pagpamalabag sa pagpabakuna kun mag-abot na ang COVID-19 vaccines sa syudad sang Iloilo.
Kadungan sini suno sa iya ang pagpanagtag sang consent form sa mga pumuluyo agud mahibaluan kun sin-o ang magapabakuna ukon indi.
Suno kay Dureza, magapanguna siya nga magpatublok sang COVID-19 vaccine agud mangin ehemplo sa iya pumuluyo.
Nagpanawagan man ang natungdan sa mga residente sang San Isidro nga mangin bukas sa mga impormasyon kaangot sa bakuna agud mahangpan ang ka-importansya sini batok sa COVID-19.
